القصيده :خمسين عام وفارس الماد خيال ( بمناسبة اعتزال العلم/ مبروك العصلاني أبوناب )
يالهاجس الواقف معك واسع البال=بأقصى الضمير ولامعي فيك حيله
هوجس بها فكرك على راس ماطال=ومعك النظر ممدود راس الطويله
وهات المعاني كلها جداد وجلال=وخل الهزيلة حيث تقعدهزيله
وقيم المثل مبناه مس التسلسال=وفيه الفرايد من ذهب منتقي له
والاَّ ترى قافيك نقّاد بالحال=ينقد عليك القاف حرف وشكيله
وبس التزم مبداه ويسوق همّال= ياهاجسٍ معتاد منك الجزيله
وربٍ قضى بالحال في شمس وظلال=ذكره عطر.. والحق منهج سبيله
واللي عسى لاقام حظ وعَمَر فال=ياغير واسم الله عونة دليله
وعبِّر سلامي من هنا لآخر الجال=عد المطر ماساق وانشأ مخيله
وامطر على دعوات قلب وتهلاّل=كبد الضمأ والقاع والمنتشي له
وايضاً عدد ماحاول إنسان يحتال=في الهينة واللي بعد مستحيله
مع مثلها من قلب ولسان تنقال=اتعيش يامبروك راع الجميله
عشَّاق صعبات المرامي والاهوال=سقم الخصيم وكسحة المنتوي له
وياما عريفة قوم لآواك واشتال=وزوزى بها مقفي يلوهي ثقيله
خمسين عام وفارس الماد خيال=أنا أشهد انك عز من تحتمي له
وخمسين لو تصرف على أيام وليال=تاريخ لو يكتب يجي ورث جيله
واليوم وش ماكان من حال الامثال=والصف والجمهور والمشتهي له
يابو حسن معذور لو مالك بدال=عذرك معك والوجه الابيض حصيله
وياربعك اللي صفهم دك زلزال=ودايم كذا ياعزهم مايبي له
فوق النجوم العالية فيُّهم مال=مجدٍ على ماقيل من يستوي له
تنشر لك البيضا وفأ حق وإجلال=بأعلى يلا هو مثل شمسٍ جليلة
داير مادار المملكة تشعل إشعال=ويآصل خبرها كل دار وقبيله
ويارب جعلك دوم مرتاح الاحوال=وجعل السعد فالك يجيك وتجي له
ويختم لنا وإياك في خير وإقبال=واتمها صحة وزايد فضيلة
قلته وأنا بالي كما جنيه وريال=وياخلاف هذا قصور ماينبغي له
وتم الكلام وهاجسي منه مازال=والهرج دايم زبدته في قليله
وصلاة ربي كنها فيض شلال=على النبي المستحق الوسيله
