القصيده :رثاء الشيخ المرحوم بإذن الله تعالى عبدالمجيد بن محمد بن حمادي البشري الحربي محافظ محافظة عسفان
للطيب ذكـر وللمراجـل قـوادي=والفعل له ناير و شاهد وعنـوان
يذيع صيته مثـل علـم الـروادي=وتمشيبه الأجواد طرقي وركبـان
وانا بعيد الـدار والبعـد حـادي=واسمع بذكر الشيخ في كل الأوطان
لاعـدّوا الأبطـال ابـن حمـادي=راع الكرم و الجود و امير عسفان
جاني خبر نعيه و سطّـر مـدادي=في جنة الفردوس ياراع الإحسـان
الموت حق وكل مخلـوق غـادي=واللي يعيش فعول ذربين الأيمـان
عبدالمجيـد اللـي بالافعـال زادي=قولٍ عليه الصدق و الفعل برهـان
فقيد حرب اللـي تضـد الأعـادي=صليب راي ان قالوا الراي يا فلان
يوم الخطر و الموت قدح الزنادي=يفخر بفعله حرب في كـل ميـدان
الشيخ أثر فقده على الناس بـادي=جرح القلوب و دمع يبدي فالأعيان
يبكيـه مقـراً للمشايـخ يـرادي=ويبكيه من جرّب تصاريف الأزمان
مرحوم ياللي صوت نجره ينـادي=يوم الدهر والجوع يذكر كحيـلان
وعز الله ان الدار أمسـى نكـادي=من بعد فقد الشيخ تغشاه الأحزان
آبو سعود اللي وصل كـل مـادي=عساه للجنه وفـي دار رضـوان
يالله عدد ما سـال بالخيـر وادي=تنشي على قبره هماليل الأمـزان
وتعوض من يذكر بيض الأيـادي=جنّات من فضلك و رحمه وغفران
وتعين من بعده فوسق الشـدادي=شيخٍ على العليا ومن حوله أخوان
يمشون نهج العود درب الرشـادي=اللي بفعله خلد إسمـه فالأذهـان
هذا وأنا حامـد مجـود جـوادي=الـذروي ديـاري كليّـة و دوران
وفالختم صلوا على خيـر هـادي=محمد المختار من نسـل عدنـان
