..[ديوان شبكة قبائل زبيد حرب]..::مــوج المـشـاعر::احمد المزروعي
القصيده :مــوج المـشـاعر
هب الهوى وتحرك الشوق فيني=
وبرق المحبة في سماخافقي لاح
وجفت دموع الحزن في وسط عيني=
وقلبي روى من نبع بالحب نظاح
عشت السعادة بعد عمر حزيني=
في حـب ريـم صـوبت يمـي رماح
واستهدفت قلبي برمح سنيني=
ثم كسته من الهوى العذب بوشاح
لين إنبرى بالوصل جرح دفيني=
واللي جرحني صار للقلب جراح
بالله يا ريـم الـفلا خبريني=
عن طير في وسط الفضاء ماله جناح
قالت سؤالك واضح مستبيني=
الطير قلب في سما العشق سواح
رفرف مع طيور الهوى ياضنيني=
ولك طير غرد في سمايا با لأفراح
وصار الفرح في دنيتي محتويني=
وزهرة حياتي عطرها بالغلا فاح
حارت حروف الحب بينه وبيني=
وسطرتها بالشعر في وسط الألواح
وأبحرت في حبه بمركب حنيني=
وموج المشاعر داخل القلب يجتاح
عن كل مرسى يا رياح إبعديني=
بأبعد وأبنسى فحبها كل الأرواح
ويا جوهر الحسن الفريد إغرقيني=
في بحرك الظامي ولـو كـنت سباح
بأموت بأعماقه ولاني حزيني=
لأني بدونك ماأقدر أعيش مرتاح
إنتي هنا عمري وبسمة سنيني=
وإنتي على درب الأمل بدر وضاح
نورك يبدد ظلمة الوقت فيني=
والهم في قربك عن القلب ينزاح
أنسام عطرك تخجل الياسميني=
وميلات غصنك كنها غـصـن طـواح
لا من تثنى من شمال ويميني=
كنه يغني لنسايم و الأرياح
وعيونك اللي تسبي الناظريني=
لي في مداها ألف مضوى ومسراح
لاشفت فيها الود أصفق يديني=
وأندم على عمر قبل شوفتك راح
