القصيده :هذه القصيده في حفل قبيلة سليم بمناسبة شفاء الشاعر / عوض الله بن حميد السلمي ( أبو مشعاب )
القصايد ما تحير ان كان للمعنى وجـود =يطرب اللي يستمعها ويطرب اللي قالهـا
جاتنا دعوة كريم وللوفـا قمنـا وفـود=والرجال اللي يشـرف علمهـا يعنالهـا
يا سلام الله سلامٍ عطّره نفـح الـورود=عد ماتمطـر سحايـب خيلـت بخيالهـا
يالرجال اللي وفاهم من قديمات العهـود=ريف للـي فالشدايـد محتميـن بجالهـا
يا سليم اهل العوايد والمعـزه والعـدود=القدايـم مـا تغيـر سِجلـت لابطالهـا
شاعر السلمان الاول والشهاده بالشهـود=لافتخـر كـلٍ بربعـه مشتهـر خيالهـا
لاجل ابو غازي عنينا والمسافه لو تزود=الركايب فاللـوازم كـم نشـد رحالهـا
نحمد الله والسلامه فضل مـن ربٍ ودود=يشكر الله من لبسها ونعمـة الله نالهـا
وكان عادت للحميا والقبيلـه والجـدود=حرب ربعي وعز راسي مدونات افعالهـا
لو نشوف الموت الاحمر والله إنا مانعود=ما علينا من دلالـه لـو شربنـا فالهـا
يشهد التاريخ وقفه يوم ترعد بالرعـود=كـل طالـه لا نوينـا بالعـزوم نطالهـا
والنعم في كل عزوه من القبايل فالوجود=مانَقص من قبيلـه لاعتـزت برجالهـا
ومن رضا ربي علينا قادنا حكم السعـود=نهجنا نهج الشريعـه نستظـل ظلالهـا
ولاجل ابو غازي عنينا والمسافه لو تزود=الركايب فاللـوازم كـم نشـد رحالهـا
وفالختام أذكر إلهي وسيد الخلق محمود=عد مـا دارت ليالـي واستهـل هلالهـا
